തൃക്കരിപ്പൂര്‍: ദേശീയ ആയുഷ് മിഷന്‍ സംസ്ഥാന പട്ടികജാതി വകുപ്പമായി സഹകരിച്ച് സമഗ്ര ആരോഗ്യ പദ്ധതിയുടെ ഭാഗമായി ഹരികിരണം സ്‌പെഷ്യാലിറ്റി മെഗാ മെഡിക്കല്‍ ക്യാംപ് നടത്തും. ഇന്ന് രാവിലെ ഒന്‍പത് മണിമുതല്‍ വലിയപറമ്പ ഒരിയര അംബേദ്കര്‍ കോളനിയില്‍ നടക്കുന്ന ക്യാംപില്‍ ആയുര്‍വേദ ഹോമിയോപ്പതി വിഭാഗങ്ങളിലെ വിദഗ്ധര്‍  രോഗികളെ പരിശോധിച്ച് മരുന്നുകള്‍ വിതരണം ചെയ്യും. ക്യാംപിനോട് അനുബന്ധിച്ച് ബോധവല്‍ക്കരണ പരിപാടി, രക്ത പരിശോധന ക്യാംപ്, ഔഷധ സസ്യ പ്രദര്‍ശനം, യോഗ പരിശീലനം തുടങ്ങിയവ നടക്കും. പട്ടിക ജാതി കോളനികള്‍ കേന്ദീകരിച്ച് നടത്തുന്ന ക്യാംപിന്റെ ഉദ്ഘാടനം എം രാജഗോപാലന്‍ എം.എല്‍.എ നിര്‍വഹിക്കും. പഞ്ചായത്ത് പ്രസിഡന്റ് എം.ടി അബ്ദുല്‍ ജബ്ബാര്‍ അധ്യക്ഷത വഹിക്കും