എത്‌വ: ആശുപത്രി അധികൃതര്‍ ആംബുലന്‍സ് സേവനം നിഷേധിച്ചതോടെ മകന്റെ മൃതദേഹം പിതാവ് വീട്ടിലെത്തിച്ചത് ചുമലിലേറ്റി. ഉത്തര്‍പ്രദേശിലെ എത്‌വയിലാണ് അസുഖബാധിതനായി മരിച്ച മകന്റെ മൃതദേഹം ചുമലിലേറ്റി പിതാവിന് വീട്ടിലെത്തേണ്ടി വന്നത്.
ചികിത്സനിഷേധിക്കുക മാത്രമല്ല മരിച്ച മകന് ആംബുലന്‍സ് നല്‍കാന്‍പോലും സര്‍ക്കാര്‍ ആശുപത്രി അധികൃതര്‍ തയാറായില്ലെന്ന് ഉദയ്‌വീര്‍ പറഞ്ഞു. മകന്റെ മൃതദേഹം ചുമന്ന് നടക്കുന്ന പിതാവിന്റെ ചിത്രം സാമൂഹികമാധ്യമങ്ങളില്‍ വൈറലായിട്ടുണ്ട്.
അസുഖബാധിതനായ മകന്‍ പുഷ്‌പേന്ദ്ര(15)നാണ് ഡോക്ടര്‍മാര്‍ ചികിത്സ നിഷേധിച്ചത്. കുട്ടി മരിച്ചതോടെ മൃതദേഹം ആശുപത്രിയില്‍ നിന്ന് കൊണ്ടുപോകാനാണ് ഡോക്ടര്‍മാര്‍ ആവശ്യപ്പെട്ടത്. സൗജന്യ ആംബുലന്‍സ് സേവനം പോലും തനിക്ക് നിഷേധിച്ചതായി ഉദയ്‌വീര്‍ പറഞ്ഞു.