ലക്‌നോ: തന്നെ വോട്ടു ചെയ്ത് അധികാരത്തിലേറ്റിയ ഉത്തര്‍പ്രദേശിലെ ജനങ്ങളെ ചതിക്കുകയാണ് പ്രധാനമന്ത്രി നരേന്ദ്രമോദി ചെയ്തതെന്ന് ബി.എസ്.പി നേതാവ് മായാവതി. ഉത്തര്‍പ്രദേശില്‍ മുഴുവന്‍ നടന്ന് ഇവിടുതെത ജനങ്ങളാണ് തന്നെ പ്രധാമന്ത്രിയാക്കിയതെന്ന് പറഞ്ഞുകൊണ്ടിരിക്കുകയാണ് മോദി. അത് ശരിയായിരിക്കും. എന്നാല്‍ ഇത് 22 കോടി ജനങ്ങളെ വഞ്ചിക്കുന്നതില്‍ നിന്ന് അദ്ദേഹത്തെ തടഞ്ഞില്ലല്ലോ. യുപിയിലെ ജനങ്ങള്‍ക്ക് അദ്ദേഹത്തെ പ്രധാനമന്ത്രിയാക്കാമെങ്കില്‍ അതുപോലെ അധികാരത്തില്‍ നിന്ന് താഴെയിറക്കാനും അവര്‍ക്ക് കഴിയും- അദ്ദേഹം ചൂണ്ടിക്കാട്ടി. അത് ഇത്തവണ സംഭവിക്കുകയും ചെയ്യും. ട്വിറ്റര്‍ വഴിയാണ് മായാവതിയുടെ ആക്രമണം.

മോദി ഒരു വ്യാജനേതാവാണെന്ന് അവര്‍ ആവര്‍ത്തിച്ചു. താന്‍ പാന്നോക്കവിഭാഗത്തില്‍ പെട്ടവനാണെന്ന മോദിയുടെ വാദം ചൂണ്ടിക്കാട്ടിയായിരുന്നു അവരുടെ പരാമര്‍ശം.