മട്ടന്നൂര്‍: എ.ഐ.സി.സി ജനറല്‍സെക്രട്ടറി പ്രിയങ്കാ ഗാന്ധിക്കു കണ്ണൂര്‍ വിമാനത്താവളത്തില്‍ സ്വീകരണം നല്‍കി. ഡല്‍ഹിയില്‍ നിന്നു വയനാട്ടിലേക്കുള്ള യാത്രാമധ്യേയാണ് പ്രിയങ്കാ ഗാന്ധി പ്രത്യേക വിമാനത്തില്‍ കണ്ണൂരിലിറങ്ങിയത്.  തുടര്‍ന്നു ഹെലികോപ്റ്ററില്‍ മാനന്തവാടിയിലേക്കു തിരിച്ചു. പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍, എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍, യു.ഡി.എഫ് സ്ഥാനാര്‍ഥി കെ. സുധാകരന്‍, ഡി.സി.സി പ്രസിഡന്റ് സതീശന്‍ പാച്ചേനി, എം.എല്‍.എമാരായ കെ.സി ജോസഫ്, സണ്ണി ജോസഫ്, വി.എ നാരായണന്‍, സുമാ ബാലകൃഷ്ണന്‍, സജീവ് ജോസഫ്, കെ. സുരേന്ദ്രന്‍, പ്രൊഫ. എ.ഡി മുസ്തഫ തുടങ്ങിയവര്‍ വിമാനത്താവളത്തില്‍ എത്തിയിരുന്നു.