കോഴിക്കോട്: നഗരപാതാ വികസന പദ്ധതിയുടെ ഭാഗമായി പുഷ്പ ജങ്ഷന്‍ - മാങ്കാവ് ജങ്ഷന്‍ റോഡില്‍ ടാറിങ്പ്രവൃത്തി ഇന്ന് മുതല്‍ ആറ് വരെ നടക്കുന്നതിനാല്‍ പുഷ്പ ജങ്ഷന്‍ മുതല്‍ ചാലപ്പുറം വരെയുളള റോഡില്‍ പൂര്‍ണമായും ചാലപ്പുറം മുതല്‍ മാങ്കാവ് ജങ്ഷന്‍ വരെ ഭാഗികമായും ഗതാഗത നിരോധനം ഉണ്ടായിരിക്കും. ഇതിലൂടെയുളള വാഹനങ്ങള്‍ കോഴിക്കോട് ഭാഗത്തേക്കുളളവ മാങ്കുളം ഈസ്റ്റ് കല്ലായി വഴിയും, മാങ്കാവിലേക്കുളളവ പി.വി സ്വാമി റോഡ് അച്യുതന്‍ ഗേള്‍സ്, ചാലപ്പുറം പോസ്റ്റ് ഓഫിസ് വഴിയും പോകേണ്ടതാണെന്ന് കേരള റോഡ് ഫണ്ട് ബോര്‍ഡ് പ്രൊജക്ട് മാനേജര്‍ അറിയിച്ചു.