കാസര്‍കോട്: പഴയ ചൂരിയിലെ മദ്‌റസ അധ്യാപകനായിരുന്ന മുഹമ്മദ് റിയാസ് മുസ്‌ലിയാര്‍ കൊല്ലപ്പെട്ട പഴയ ചൂരി ജുമാ മസ്ജിദ് പ്രതിപക്ഷ നേതാവ് രമേശ് ചെന്നിത്തല സന്ദര്‍ശിച്ചു. യൂത്ത് കോണ്‍ഗ്രസ് യൂത്ത് മാര്‍ച്ചില്‍ സംബന്ധിക്കാനെത്തിയ രമേശ് ചെന്നിത്തല നേതാക്കള്‍ക്കൊപ്പമാണ് ജുമാ മസ്ജിദ് സന്ദര്‍ശിച്ചത്.
എന്‍.എ നെല്ലിക്കുന്ന് എം.എല്‍.എ, ഡി.സി.സി പ്രസിഡന്റ് ഹക്കീം കുന്നില്‍, കെ.പി.സി.സി സെക്രട്ടറി കെ നീലകണ്ഠന്‍, ജില്ലാ പഞ്ചായത്തംഗം ഷാനവാസ് പാദൂര്‍, കോണ്‍ഗ്രസ് നേതാക്കളായ പി.കെ ഫൈസല്‍, ആര്‍ ഗംഗാധരന്‍, അഡ്വ. കെ.കെ രാജേന്ദ്രന്‍ തുടങ്ങിയവരും ചെന്നിത്തലയ്‌ക്കൊപ്പമുണ്ടായിരുന്നു.
കഴിഞ്ഞ മാര്‍ച്ച് 20നാണ് മദ്‌റസ അധ്യാപകനെ ആര്‍.എസ്.എസ് പ്രവര്‍ത്തകര്‍ മസ്ജിദില്‍ കയറി വെട്ടിക്കൊന്നത്.