മേപ്പയൂര്‍: കേരളാ പൊലിസില്‍ നിന്നു വിരമിക്കുന്ന ഓഫിസര്‍മാര്‍ക്ക് യാത്രയയപ്പ് നല്‍കി.
കേരളാ പൊലിസ് അസോസിയേഷനും കേരള പൊലിസ് ഓഫിസേഴ്‌സ് അസോസിയേഷനും സംയുക്തമായി നടത്തിയ യാത്രയയപ്പ് സമ്മേളനത്തില്‍ പി. ഹരിഹരന്‍ (എസ്.ഐ, ഡി.സി.ആര്‍.ബി), കെ.കെ ശ്രീകുമാര്‍ (എസ്.ഐ അടിവാരം), കെ. പ്രഭാകരന്‍ (എസ്.ഡി.പി ഓഫിസ് താമരശേരി), വി.പി ബാലകൃഷ്ണന്‍ (എസ്.ഐ മേപ്പയൂര്‍), ടി. സതീഷ് (എസ്.ഐ കോടഞ്ചേരി), കെ. ദിവാകരന്‍ (എസ്.ഐ, സി.ഐ.ആര്‍ നാദാപുരം), സി. സുരേന്ദ്രന്‍ (എസ്.ഐ കുറ്റ്യാടി), രാധാകൃഷ്ണന്‍ (എസ്.ഐ ചോമ്പാല) എന്നിവര്‍ക്കാണ് യാത്രയയപ്പ് നല്‍കിയത്.
യാത്രയയപ്പ് സമ്മേളനം കോഴിക്കോട് റൂറല്‍ ജില്ലാ പൊലിസ് മേധാവി എം.കെ പുഷ്‌കരന്‍ ഐ.പി.എസ് ഉദ്ഘാടനം ചെയ്തു. എം.എം സുദര്‍ശന കുമാര്‍ അധ്യക്ഷനായി. കെ. സുദര്‍ശന്‍, കെ. ഉണ്ണികൃഷ്ണന്‍, കെ.പി ഭാസ്‌കരന്‍, മധു കറുപ്പത്ത്, പി.സി രാജന്‍, സി.കെ സുജിത്, എ. വിജയന്‍, എ.പി രതീഷ് സംസാരിച്ചു.