ചങ്ങനാശ്ശേരി: വന്‍തുക ചിലവഴിച്ച് മാസങ്ങള്‍ക്ക് മുന്‍പ് ബോട്ട്‌ജെട്ടിയിലെ പായല്‍ നീക്കം ചെയ്തത് വെറുതെയായി. ചങ്ങനാശേരി ബോട്ട്‌ജെട്ടിയില്‍ ബോട്ട് ജീവനക്കാരെ ദുരിതത്തിലാക്കി വീണ്ടും ആഫ്രിക്കന്‍ പായല്‍ നിറഞ്ഞു. ബോട്ടിന്റെ പ്രൊപ്പലറില്‍ പായല്‍ ഉടക്കുന്നത് മൂലം സര്‍വീസുകള്‍ യഥാക്രമം നടത്താനാവാത്ത അവസ്ഥയിലാണ്.
ഇതുമൂലമുണ്ടാകുന്ന സാങ്കേതിക തകരാറുകളും കുറവല്ല. പോള നീക്കം ചെയ്യുന്നതിന് വന്‍ തുക എല്ലാ വര്‍ഷവും നീക്കി വയ്‌ക്കേണ്ട ഗതികേടിലാണ് അധികൃതര്‍. പോള വളരുന്നതിനു മുന്നേ നീക്കം ചെയ്യാന്‍ സ്ഥിരം സംവിധാനമില്ലാത്തതാണ്  പ്രധാന പ്രശ്‌നം. സ്ഥിരം സംവിധാനം ഉണ്ടാക്കിയാല്‍  നീക്കം ചെയ്യാനുണ്ടാകുന്ന ചിലവും കുറയ്ക്കാനാകും.