മണ്ണാര്‍ക്കാട്: കേരള വാട്ടര്‍ അതോറിറ്റിയുടെ ഷൊര്‍ണൂര്‍, പട്ടാമ്പി, ഒറ്റപ്പാലം, ചെര്‍പ്പുളശ്ശേരി, മണ്ണാര്‍ക്കാട് സെക്ഷന്‍ ഓഫിസുകള്‍ക്കു കീഴില്‍ വരുന്ന എല്ലാ ഉപഭോക്താക്കളും വെളളക്കരത്തിന്റെ കുടിശ്ശിക 27നകം അതത് ഓഫിസുകളില്‍ അടക്കണമെന്ന് എക്‌സി. എന്‍ജിനീയര്‍ അറിയിച്ചു. അല്ലാത്തപക്ഷം ഇനിയൊരു അറിയിപ്പില്ലാതെ കുടിവെളള കണക്ഷന്‍ വിഛേദിക്കുന്നതാണ്. ഗാര്‍ഹിക കണക്ഷനുകളില്‍നിന്ന് കുടിവെളളം ദുരുപയോഗം ചെയ്യുകയൊ, മോഷണം നടത്തുകയൊ ചെയ്യുന്നത് ക്രിമിനല്‍ കുറ്റമായി കണക്കാക്കുമെന്നും, കുറ്റകൃത്യം ശ്രദ്ധയില്‍പ്പെട്ടാല്‍ 10000 രൂപ പിഴയൊ, ജയില്‍വാസമൊ, രണ്ടും കൂടിയൊ ലഭിക്കുന്നതാണെന്നും വാട്ടര്‍ അതോറിറ്റി ഷൊര്‍ണൂര്‍ എക്‌സിക്യൂട്ടീവ് എന്‍ജിനീയര്‍ അറിയിച്ചു.