കല്‍പ്പറ്റ: പട്ടികജാതി വികസന വകുപ്പിനു വേണ്ടി സി-ഡിറ്റ് സൈബര്‍ശ്രീയുടെ  തിരുവനന്തപുരം സെന്ററില്‍  നടത്തുന്ന സാങ്കേതിക വിദ്യാ പരിശീലനത്തിനത്തിന് അപേക്ഷ ക്ഷണിച്ചു.
 അപേക്ഷകര്‍ 20-നും 26-നും മധ്യേ പ്രായമുള്ള പട്ടികജാതി വിഭാഗത്തില്‍പ്പെട്ടവരായിരിക്കണം. സോഫ്റ്റ്‌വെയര്‍ എന്‍ജിനീയറിങിന് ബി.ടെക്, ബി.ഇ, എം.സി.എ, എം.എസ്.സി എന്നിവയിലേതെങ്കിലും പാസ്സായവരായിരിക്കണം. 7 മാസമാണ് പരിശീലന കാലാവധി. പ്രതിമാസം 5500 രൂപ സ്റ്റൈപന്റ് ലഭിക്കും. കോഴ്‌സുകളുടെ അവസാന വര്‍ഷം പൂര്‍ത്തീകരിച്ച് ഫലം കാത്തിരിക്കുന്നവര്‍ക്കും അപേക്ഷിക്കാം.
മാറ്റ്‌ലാബിന് ബി.ടെക്, ബി.ഇ, എം.സി.എ, എം.എസ്.സി എന്നിവയിലേതെങ്കിലും പാസായവര്‍ക്കും കോഴ്‌സ് പൂര്‍ത്തീകരിച്ചവര്‍ക്കും അപേക്ഷിക്കാം. ബി.എസ്.സി കംപ്യൂട്ടര്‍ സയന്‍സ്, ഇലക്‌ട്രോണിക്‌സ് എന്നിവയില്‍ ഡിഗ്രിയുള്ളവര്‍ക്കും അപേക്ഷിക്കാം. പരിശീലന കാലാവധി നാല് മാസം. പ്രതിമാസം 5000 രൂപ സ്റ്റൈപന്റ് ലഭിക്കും.വിശദവിവരങ്ങളും അപേക്ഷാഫോറവും ംംം.ര്യയലൃൃെശ.ീൃഴ എന്ന വെബ്‌സൈറ്റില്‍ ലഭ്യമാണ്.
വിദ്യാഭ്യാസ യോഗ്യത, വയസ്സ്, ജാതി എന്നിവ തെളിയിക്കുന്ന സര്‍ട്ടിഫിക്കറ്റുകളുടെ ശരിപകര്‍പ്പ് സഹിതം അപേക്ഷകള്‍ മേയ്  10ന്  മുന്‍പായി സൈബര്‍ശ്രീ സെന്റര്‍, സി-ഡിറ്റ്, പൂര്‍ണിമ, തൈക്കാട് പി.ഒ, തിരുവനന്തപുരം-695014 എന്ന വിലാസത്തില്‍ ലഭിക്കണം. അപേക്ഷകള്‍ ര്യയലൃൃെശരറശ@േഴാമശഹ.രീാ എന്ന വിലാസത്തിലേക്ക് ഇ-മെയിലും അയക്കാം.ഫോണ്‍: 0471 2323949.