താമരശേരി : വ്യാപാരി വ്യവസായി ഏകോപന സമിതി താമരശേരി യൂനിറ്റില്‍ തെരഞ്ഞെടുപ്പ്  ഇന്ന് നടക്കും. നിലവില്‍ ജില്ലാ വൈസ് പ്രസിഡണ്ടന്റും യൂനിറ്റ് പ്രസിഡന്റണ്ടുമായ പി.സി അഷ്‌റഫും യൂനിറ്റ് ജനറല്‍ സെക്രട്ടറിയും ജില്ലാ കമ്മിറ്റിയംഗവുമായ അമീര്‍ മുഹമ്മദ് ഷാജിയുമാണ് പ്രസിഡന്റണ്ട് സ്ഥാനത്തേക്ക് മത്സരിക്കുന്നത്. കഴിഞ്ഞ 32 വര്‍ഷമായി താമരശേരി യൂ നിറ്റ് പ്രസിഡന്റായി പ്രവര്‍ത്തിക്കുന്ന പി.സി അഷ്‌റഫിനെ താഴെയിറക്കുകയെന്ന ലക്ഷ്യത്തോടെയാണ് അമീര്‍ മുഹമ്മദ് ഷാജി തെരഞ്ഞെടുപ്പിനിറങ്ങുന്നത്.  അതിനാല്‍ വാശിയേറിയ തെരഞ്ഞെടുപ്പിനായിരിക്കും താമരശേരി ഇന്ന് സാക്ഷ്യം വഹിക്കുക .
ഇന്ന് വൈകിട്ട് 4.30ന് ജനറല്‍ബോഡി യോഗവും തുടര്‍ന്ന് 6.30 ന് വ്യാപാരഭവനില്‍ വച്ച് തെരഞ്ഞെടുപ്പും നടക്കും. ജില്ലാ സെക്രട്ടറി സി.ജെ. ടെന്നിസന്‍ ആണ് റിട്ടേര്‍ണിങ് ഓഫിസര്‍.  
420 അംഗങ്ങളാണ് തെരഞ്ഞെടുപ്പില്‍ പങ്കെടുക്കുക. താമരശേരി ടൗണില്‍ ഇന്നലെ വൈകിട്ട് അമീര്‍ മുഹമ്മദ് ഷാജിയെ പിന്തുണക്കുന്ന വിഭാഗം മാറ്റത്തിനായി ഒരു വോട്ട് എന്ന മുദ്രാവാക്യവുമായി വോട്ടഭ്യര്‍ഥിച്ച് പ്രകടനം നടത്തി.
 പ്രകടനത്തിന് ഹാഫിസുറഹ്മാന്‍, നൗഷാദ് ചെമ്പ്ര,നാസര്‍ ടോറിനൊ, മുര്‍ത്താസ് ഫസല്‍അലി, കെ. ലത്തീഫ്, മുഹമ്മദലി,എന്‍.പി മജീദ് തുടങ്ങിയവര്‍ നേതൃത്വം നല്‍കി.