കോഡൂര്‍: ഗ്രാമപഞ്ചായത്തില്‍ മഴക്കാല രോഗപ്രതിരോധം ശക്തമാക്കും. ഗ്രാമപഞ്ചായത്തിന്റെയും പ്രാഥമികാരോഗ്യ കേന്ദ്രത്തിന്റെയും നേതൃത്വത്തിലാണ് പ്രവര്‍ത്തനങ്ങള്‍ സംഘടിപ്പിക്കുക. തദ്ദേശ സ്ഥാപനത്തിലെ ജനപ്രതിനിധികളുടെയും വിവിധ വകുപ്പുകളിലെ ഉദ്യോഗസ്ഥരുടെയും കൂടിയാലോചന യോഗം കര്‍മപദ്ധതി തയാറാക്കി.
യോഗം ഗ്രാമപഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. ആരോഗ്യ സ്ഥിരസമിതി അധ്യക്ഷന്‍ കെ.എം. സുബൈര്‍ അധ്യക്ഷനായി. മെഡിക്കല്‍ ഓഫിസര്‍ ഡോ. ഷംസുദ്ദീന്‍ പുലാക്കല്‍ പദ്ധതി വിശദീകരിച്ചു. ഗ്രാമപ്പഞ്ചായത്തംഗങ്ങളായ എം.ടി ബഷീര്‍, മുഹമ്മദലി കടമ്പോട്ട്, അബ്ദുന്നാസര്‍ കുന്നത്ത്, കെ ഷീന, കൃഷി ഓഫിസര്‍ പ്രകാശ് പുത്തന്‍മഠത്തില്‍, പ്രഥമാധ്യാപകരായ കെ.എം മുസ്തഫ, കെ.എന്‍.എ ഷരീഫ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ പി മുഹമ്മദ് റഫീഖ്, സി ഹബീബ്‌റഹിമാന്‍ സംസാരിച്ചു.