കോട്ടയം: കെ.എം മാണിയെ സാറെന്ന് വിളിക്കുന്നതിന് കോണ്‍ഗ്രസ് പ്രവര്‍ത്തകരുടെ വിലക്ക്.
ഇന്നലെ നടന്ന ഡി.സി.സി യോഗത്തില്‍ മുഖ്യപ്രഭാഷണം നിര്‍വഹിച്ച മുന്‍ മുഖ്യമന്ത്രി ഉമ്മന്‍ ചാണ്ടി, പ്രസംഗത്തിനിടെ മാണി സാറെന്ന് പറയാന്‍ തുടങ്ങിയപ്പോഴാണ് സദസില്‍ നിന്നവര്‍ സാറെന്ന വിളി ഇനി വേണ്ടെന്ന് വിലക്കിയത്.
പ്രസംഗം തുടര്‍ന്ന ഉമ്മന്‍ ചാണ്ടി ആദ്യം മാണിയെന്ന് അഭിസംബോധന ചെയ്‌തെങ്കിലും പിന്നീട് സാറെന്ന് തന്നെ വിശേഷിപ്പിച്ചു. എന്നാല്‍ പിന്നീട് പ്രസംഗിച്ച തിരുവഞ്ചൂര്‍ രാധാകൃഷ്ണന്‍ പ്രസംഗത്തിലുടനീളം മാണിയെന്ന് തന്നെയാണ് വിശേഷിപ്പിച്ചത്.