കൊല്ലം: കുടുംബശ്രീ ട്രെയിനിങ് ഗ്രൂപ്പായ കര്‍മയുടെ നേതൃത്വത്തില്‍ കൊല്ലം പീരങ്കി മൈതാനത്ത് നടക്കുന്ന കര്‍മ ഫെസ്റ്റുമായി ബന്ധപ്പെട്ട് ദിനപത്രങ്ങളില്‍ പ്രസിദ്ധീകരിച്ച മികച്ച റിപ്പോര്‍ട്ടുകള്‍ക്കും ചിത്രങ്ങള്‍ക്കും അവാര്‍ഡ് നല്‍കും. ഏപ്രില്‍ 25 മുതല്‍ മേയ് ഏഴു വരെയുള്ള വാര്‍ത്തകളും ചിത്രങ്ങളുമാണ് പരിഗണിക്കുന്നത്. വാര്‍ത്തയും ചിത്രവും പ്രസിദ്ധീകരിച്ച പത്രത്തിന്റെ അസ്സല്‍, ചിത്രത്തിന്റെ ഒറിജിനല്‍ പ്രിന്റ് (ഫോട്ടോ അവാര്‍ഡിന്) ബ്യൂറോ ചീഫിന്റെയോ ന്യൂസ് എഡിറ്ററുടെയോ സാക്ഷ്യപത്രം എന്നിവയാണ് സമര്‍പ്പിക്കേണ്ടത്. ഓരോ എന്‍ട്രിക്കും പത്രത്തിന്റെ അസല്‍ പ്രത്യേകം നല്‍കണം. എന്‍ട്രികള്‍ ഒന്‍പതിന് വൈകുന്നേരം അഞ്ചിന് മുന്‍പ് ജില്ലാ ഇന്‍ഫര്‍മേഷന്‍ ഓഫിസില്‍ സമര്‍പ്പിക്കണം.