അങ്കമാലി: അറിവിന്റെയും വിസ്മയത്തിന്റെയും കാഴ്ചയൊരുക്കി ആള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ സംസ്ഥാന കമ്മിറ്റി സംഘടിപ്പിക്കുന്ന ഫോട്ടോഫെസ്റ്റ് 22, 23, 24 തീയതികളില്‍ അങ്കമാലി കറുകുറ്റി അഡ്‌ലക്‌സ് കണ്‍വെന്‍ഷന്‍ സെന്ററില്‍ നടക്കും. 22 ന് രാവിലെ 9.30ന് സംസ്ഥാന നിയമസഭ സ്പീകര്‍ പി. ശ്രീരാമകൃഷ്ണന്‍ ഫോട്ടോഫെസ്റ്റ് ഉദ്ഘാടനം ചെയ്യും. സമ്മേളനത്തില്‍ ഓള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ പ്രസിഡന്റ് പി.വി. ബാലന്‍ അദ്ധ്യക്ഷത വഹിക്കും. ഇന്നസെന്റ് എം.പി മുഖ്യാതിഥിയായിരിക്കും.
പി.സി ജോര്‍ജ്ജ് എം.എല്‍എ. ഫോട്ടോഗ്രാഫി എക്‌സിബിഷന്‍ ഉദ്ഘാടനം ചെയ്യും. റോജി എം. ജോണ്‍ എം.എല്‍.എ അവാര്‍ഡ് വിതരണം നടത്തും. ഫോട്ടോഫെസ്റ്റിന്റെ ഭാഗമായി ഓല്‍ കേരള ഫോട്ടോഗ്രാഫേഴ്‌സ് അസോസിയേഷന്‍ സ്ത്രീ സുരക്ഷ എന്ന വിഷയത്തില്‍ സംഘടിപ്പിച്ച വീഡിയോഗ്രാഫി മത്സരത്തില്‍ അനില്‍ ഒഡീസ കണ്ണൂര്‍     ഒന്നാം സ്ഥാനവും ഷനൂബ് വാഴക്കാട് മലപ്പുറം രണ്ടാം സ്ഥാനവും ഹരി കീഴാറ്റൂര്‍ കണ്ണൂര്‍ മൂന്നാം സ്ഥാനവും കരസ്ഥമാക്കി. സജന്‍ മേടയില്‍ ആലപ്പുഴ കെ.ബി ജിതേഷ് കണ്ണൂര്‍, കെ രഞ്ജിത്ത്  എറണാകുളം, പി. ഷിജു കാസര്‍കോട്, അനൂബ് സെന്‍ കണ്ണൂര്‍ എന്നിവര്‍ പ്രോത്സാഹനസമ്മാനവും കരസ്ഥമാക്കി.
ഫോട്ടോഗ്രഫി മത്സരത്തില്‍ ജോഷി മഞ്ഞുമ്മല്‍ ഒന്നാം സ്ഥാനവും നാസര്‍ എടപ്പാള്‍ രണ്ടാം സ്ഥാനവും ബിജുലാല്‍ തിരുവനന്തപുരം മൂന്നാം സ്ഥാനവും കെ. പ്രസൂണ്‍ കണ്ണൂര്‍ സിനറ്റ് സേവ്യര്‍ തൃശ്ശൂര്‍, കെ ബി ഗിരീഷ് തൃശ്ശൂര്‍, സുമേഷ് ശിവന്‍ എറണാകുളം, ആര്‍ കെ അഷ്‌കര്‍ തൃശ്ശൂര്‍ എന്നിവര്‍ പ്രോത്സാഹന സമ്മാനവും കരസ്ഥമാക്കി.