കൊച്ചി: പുതുമകളോടെ നോക്കിയ 6.1 പ്ലസ്, 5.1 പ്ലസ് ഫോണുകള്‍ ഓണ്‍ലൈനില്‍ ലഭ്യമായിത്തുടങ്ങി. മികച്ച രൂപകല്‍പ്പന, നല്ല പെര്‍ഫോര്‍മന്‍സ്, സ്മാര്‍ട്ട് എഐ ഇമേജിങ് ഫീച്ചേഴ്‌സ് തുടങ്ങിയവ പുതിയ ഫോണുകളെ വേറിട്ടുനിര്‍ത്തുന്നു.
ഫ്‌ളിപ്കാര്‍ട്ട്, നോക്കിയ, കോംഫോണ്‍സ് എന്നിവിടങ്ങളില്‍ ഉല്‍പ്പന്നങ്ങള്‍ ലഭ്യമാണെന്ന് എച്ച്.എം.ഡി ഗ്ലോബല്‍ അറിയിച്ചു. വലിയ സ്‌ക്രീനും മെലിഞ്ഞ കോംപാക്ട് പാക്കേജും നോക്കിയ 6.1 പ്ലസിന്റെ പ്രത്യേകതയാണ്. ഫോണിന്റെ 93%ഏരിയയും കവര്‍ ചെയ്യുന്ന വിധം മുന്നിലും പിന്നിലും ഗ്ലാസ് കെയ്‌സ്, പഴയ ചിപ്‌സെറ്റിനെക്കാള്‍ 40 കൂടുതല്‍ വേഗതയുള്ള നൂതന ക്വാല്‍കോം സ്‌നാപ്ഡ്രാഗണ്‍ 636 മൊബൈല്‍ പ്ലാറ്റ് ഫോം, ഓഡിയോയും വീഡിയൊയും മറ്റും സുദീര്‍ഘമായി ഉപയോഗിക്കാന്‍ പാകത്തില്‍ ബാറ്ററി ലൈഫ്, ഒന്നാംതരം ചിത്രമികവ് തുടങ്ങിയവ നോക്കിയ 6.1 പ്ലസിന്റെ പ്രത്യേകതയാണ്.
മീഡിയടെക്ഹീലിയൊ പി60 ഒക്റ്റകൊര്‍ പ്രൊസസറാണ് നോക്കിയ 5.1 പ്ലസില്‍ ഉപയോഗിച്ചിരിക്കുന്നത്.