കേപ്ടൗണ്‍: ദക്ഷിണാഫ്രിക്കയില്‍ കനത്ത മഴയ്‌ക്കൊപ്പമുണ്ടായ പ്രളയത്തിലും മണ്ണിടിച്ചിലിലും 51 മരണം.
തീരപ്രദേശങ്ങളായ കവാസുലുവിലാണ് കൂടുതല്‍ നാശനഷ്ടങ്ങള്‍ റിപ്പോര്‍ട്ട് ചെയ്തിരിക്കുന്നത്. ദുരന്തബാധിത പ്രദേശങ്ങളില്‍ രക്ഷാപ്രവര്‍ത്തനം തുടരുകയാണ്.

വീടുകളടക്കം ഒട്ടേറെ കെട്ടിടങ്ങള്‍ തകര്‍ന്നിട്ടുണ്ട്. ഇവയ്ക്കുള്ളില്‍ ആളുകള്‍ കുടുങ്ങിക്കിടക്കുന്നതായും സംശയമുണ്ട്. രാജ്യം നേരിടുന്ന ദുരന്തത്തെ പ്രതിരോധിക്കാന്‍ എല്ലാവരും രംഗത്തിറങ്ങണമെന്നു ദക്ഷിണാഫ്രിക്കന്‍ പ്രസിഡന്റ് സിറില്‍ റാംപോസ അഭ്യര്‍ഥിച്ചു. ദുരന്തബാധിത പ്രദേശങ്ങളില്‍ അദ്ദേഹം സന്ദര്‍ശനം നടത്തുകയും ചെയ്തു.ദുരന്തത്തില്‍ ആയിരത്തിലേറെ പേര്‍ക്കു വീടുകള്‍ നഷ്ടപ്പെട്ടതായാണ് വിവരം. റോഡുകളടക്കം തകര്‍ന്നതോടെ ഗതാഗതവും വാര്‍ത്താവിനിമയ സംവിധാനങ്ങളും നിലച്ചിട്ടുണ്ട്.