വടകര: ദിവസങ്ങളായി ജനത്തിന് ഭീഷണി ഉയര്‍ത്തിയ മൂര്‍ഖന്‍ പാമ്പിനെ വനം വകുപ്പ് പിടികൂടി വനത്തിലേക്ക് വിട്ടു. അരൂര്‍ ഹരിതവയലിനടുത്ത് കുറ്റിയില്‍ നാണുവിന്റെ വീട്ടു പരിസരത്താണ് നാട്ടുകാര്‍ക്ക് ഭീഷണി ഉയര്‍ത്തി മൂര്‍ഖന്‍ പാമ്പിനെ കണ്ടത്.
നാട്ടുകാര്‍ തുരത്താന്‍ ശ്രമിച്ചെങ്കിലും നടന്നില്ല. ഒടുവില്‍ നാണുവിന്റെ വീടിനോടനുബന്ധിച്ച വിറക് കൂടക്കടുത്ത പൊത്തില്‍ സ്ഥാനം പിടിച്ചതോടെ കുറ്റ്യാടി ഫോറസ്റ്റ് ഓഫിസില്‍ അറിയിക്കുകയായിരുന്നു. വനം വകുപ്പിന്റെ പാമ്പ് പിടുത്തക്കാരന്‍ സുരേന്ദ്രന്‍ എത്തി പാമ്പിനെ പിടികൂടി കാട്ടില്‍ വിട്ടയക്കുകയായിരുന്നു.