മുട്ടില്‍: പഞ്ചായത്തിലെ മാണ്ടാട് 13-ാം വാര്‍ഡ് ഉപതെരഞ്ഞെടുപ്പ് നടത്തുന്നതിനായി വോട്ടര്‍പട്ടിക പുതുക്കുന്നു.
കരട് വോട്ടര്‍പട്ടിക ഇന്ന് പ്രസിദ്ധീകരിക്കും. അകാശവാദമോ ആക്ഷേപമോ സമര്‍പ്പിക്കാനുള്ള അവസാന തിയതി മെയ് 10 ആണ്. 18നുളള്ളില്‍ അവകാശവാദങ്ങളിലും ആക്ഷേപങ്ങളിലും തീര്‍പ്പുകല്‍പിച്ച് 20ന് അന്തിമ വോട്ടര്‍പട്ടിക പ്രസിദ്ധീകരിക്കും.
2015ലെ പൊതു തിരഞ്ഞെടുപ്പിലോ അതിനുശേഷം നടന്ന ഉപതെരഞ്ഞെടുപ്പിലോ ഉപയോഗിച്ച വോട്ടര്‍പട്ടിക അടിസ്ഥാനമാക്കിയാണ് കരട് വോട്ടര്‍പട്ടിക തയാറാക്കുക. 2019 ജനുവരി ഒന്നിനോ അതിനു മുമ്പോ 18 വയസ് തികഞ്ഞവര്‍ക്ക് വോട്ടര്‍പട്ടികയില്‍ പേരുള്‍പ്പെടുത്താം. പേരു ചേര്‍ക്കാനുള്ള അപേക്ഷകള്‍ മുട്ടില്‍ പഞ്ചായത്ത് സെക്രട്ടറിക്ക് നല്‍കണമെന്ന് ഇലക്ഷന്‍ ഡെപ്യൂട്ടി കലക്ടര്‍ അറിയിച്ചു.