കരുനാഗപ്പള്ളി:  കരുനാഗപ്പള്ളി എക്‌സൈസ് ഇന്‍സ്‌പെക്ട്ടര്‍ ജി.ഗോപകുമാറും സംഘവും കരുനാഗപ്പള്ളി ടൗണില്‍ കേന്ദ്രീകരിച്ച് നടത്തിയ പരിശോധനയില്‍ 150 പൊതി കഞ്ചാവുമായി യുവാവ് പിടിയിലായി. കല്ലേലിഭാഗം പൊയ്ക തടത്തില്‍ വീട്ടില്‍ മുല്ല എന്നറിയപ്പെടുന്ന നജീമാണ് പിടിയിലായത്. നിരവധി കഞ്ചാവ് കേസ്സിലെ പ്രതിയാണ് ഇയാള്‍. പ്രതിയെ കരുനാഗപ്പള്ളി മജിസ്‌ട്രേറ്റ് മുന്‍പാകെ ഹാജരാക്കി റിമാന്റ് ചെയ്തു. റെയ്ഡില്‍ ഇന്‍സ്‌പെക്ട്ടര്‍ക്കൊപ്പം പ്രിവന്റീവ് ഓഫീസര്‍മാരായ കെ. ദാസ്, ഹരികൃഷ്ണന്‍, അന്‍വര്‍, സിവില്‍ ഓഫീസര്‍മാരായ വിജു, ശ്യാം, അജിത്ത്, ശ്രീകുമാര്‍ എന്നിവര്‍ പങ്കെടുത്തു.