ശാസ്താംകോട്ട: കിണറ്റില്‍ വീണ കോഴിയെ പുറത്തെടുക്കാന്‍ കിണറ്റില്‍ ഇറങ്ങിയ ആളിനെയും ഇയാളെ രക്ഷിക്കാന്‍ കിണറ്റില്‍ ഇറങ്ങിയ അഗ്നിശമന സേനാ ജീവനക്കാരനെയും അഗ്നി ശമന സേന രക്ഷപ്പെഴുത്തി. ഇന്നലെ രാവിലെയാണ് സംഭവം. പോരുവഴി കമ്പലടി സുമയ്യാ മന്‍സിലില്‍ ജലാലുദ്ദീന്റെ വീട്ടിലെ കിണറ്റില്‍ വീണ കോഴിയെ പുറത്തെടുക്കാന്‍ അമ്പലത്തും ഭാഗം സ്വദേശിയായ രവി(50) കിണറ്റില്‍ ഇറങ്ങുകയായിരുന്നു.
തുടര്‍ന്ന് ശ്വാസതടസമുണ്ടായി കിണറ്റില്‍ നിന്ന് കയറാന്‍ പറ്റാതിരുന്ന രവിയെ രക്ഷിക്കാന്‍ ശാസ്താംകോട്ട അഗ്നിശമന സേനയുടെ സഹായം തേടുകയായിരുന്നു. തുടര്‍ന്ന് രവിയെ രക്ഷിക്കാന്‍ കിണറ്റില്‍ ഇറങ്ങിയ അഗ്നിശമന സേമാ ഡ്രൈവര്‍ അരുണും കിണറ്റില്‍ കുടുങ്ങി. പിന്നീട് ഇരുവരെയും ഫയര്‍ഫോഴ്‌സ് സംഘം പുറത്ത് എടുക്കുകയും ശാസ്താംകോട്ട താലൂക്കാശുപത്രിയില്‍ എത്തിച്ച് ചികിത്സ നല്‍കുകയും ചെയ്തു.