തിരൂരങ്ങാടി: ദേശീയപാതയോരത്ത് കക്കൂസ്മാലിന്യങ്ങള്‍ തള്ളിയ നിലയില്‍. കക്കാടിനും കൂരിയാടിനും ഇടയില്‍ അഴുക്കുചാലിലാണു കഴിഞ്ഞദിവസം രാത്രി മാലിന്യങ്ങള്‍ തള്ളിയനിലയില്‍ കണ്ടെത്തിയത്. പമ്പിങ് സൗകര്യമുള്ള ടാങ്കര്‍ലോറിയിലാണു മാലിന്യം തള്ളിയതെന്നു നാട്ടുകാര്‍ പറയുന്നു. ആളുകള്‍ എത്തിയപ്പോഴേക്കും ടാങ്കര്‍ രക്ഷപ്പെട്ടു. ദുര്‍ഗന്ധം കാരണം പരിസരത്തുകൂടി യാത്രചെയ്യാന്‍ സാധിക്കാത്ത അവസ്ഥയിലാണു പ്രദേശവാസികളും യാത്രക്കാരും. മഴക്കാലമായതോടെ അഴുക്കുചാലിലൂടെ മാലിന്യം പുഴയിലേക്കും ഒഴുകുന്നുണ്ട്.