കൊടുങ്ങല്ലൂര്‍: ഫാത്തിമ സാറ തന്റെ നാണയ കുടുക്ക തുറന്നതു സമപ്രായക്കാരായ കുട്ടികള്‍ക്ക് കളിപ്പാട്ടങ്ങള്‍ സമ്മാനിക്കാനാണ്.
മൂന്നാം ക്ലാസുകാരിയായ ഫാത്തിമ സാറ പ്രളയബാധിത പ്രദേശത്തെ കുട്ടികള്‍ക്കായി കളിപ്പാട്ടങ്ങള്‍ സമാഹരിക്കുന്ന നഗരസഭയുടെ പദ്ധതിയില്‍ പങ്കാളിയാകാനാണ് തന്റെ നാണയ ശേഖരം ചിലവഴിച്ചത്. താന്‍ സ്വരുക്കൂട്ടിയ പണം കൊണ്ട് വാങ്ങിയ കളിപ്പാട്ടങ്ങള്‍ സാറ നഗരസഭാ ചെയര്‍മാന്‍ കെ.ആര്‍ ജൈത്രന് കൈമാറി.
വൈസ് ചെയര്‍പേഴ്‌സണ്‍ ഹണി പീതാംബരന്‍, പ്രതിപക്ഷ നേതാവ് വി.ജി ഉണ്ണികൃഷ്ണന്‍, സ്റ്റാന്റിങ് കമ്മിറ്റി ചെയര്‍മാന്‍മാരായ കെ.എസ് കൈസാബ്, സി.കെ രാമനാഥന്‍, പി.എന്‍ രാമദാസ്, നഗരസഭാ സെക്രട്ടറി സുജിത്ത് പങ്കെടുത്തു.