ഹരിപ്പാട്: മോട്ടോര്‍ ഉപയോഗിച്ച് വീടിന്റെ മേല്‍ക്കൂര വൃത്തിയാക്കുന്നതിനിടെ ഷോക്കേറ്റ് ഗൃഹനാഥന്‍ മരിച്ചു.
തൃക്കുന്നപ്പുഴ കോട്ടേമുറിയില്‍ മാടത്തിങ്കല്‍ പരേതനായ മുഹമ്മദ് കുഞ്ഞിന്റെ മകന്‍ സലീമാണ് (46) മരിച്ചത്. ഇന്നലെ രാവിലെ 11ഓടെയാണ് സംഭവം.
ചവിട്ടു പടികള്‍ ഇല്ലാത്തതിനാല്‍ അപകടത്തില്‍പ്പെട്ട സലീമിനെ ഏണിവെച്ച് ഏറെ പ്രയാസപ്പെട്ട് താഴെ എത്തിച്ചത്. തുടര്‍ന്ന് തൃക്കുന്നപ്പുഴ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യ: റാഷിദ. മക്കള്‍: അക്ബര്‍ഷാ, ആയിഷ.