ഹരിപ്പാട്: വീട്ടുമുറ്റത്ത് കളിച്ചുകൊണ്ടിരുന്ന യു.കെ.ജി വിദ്യാര്‍ഥിക്ക് സൂര്യാതപമേറ്റു. കുമാരപുരം മസ്ജിദുല്‍ ഹുദായിലെ ഇമാം എ.ഹുസൈന്‍ മൗലവിയുടെ മകന്‍ സമല്‍ റഹ്മാനാണ് (6) കാര്‍ത്തികപ്പള്ളിയിലെ വീട്ടുമുറ്റത്ത് വെച്ച് വ്യാഴാഴ്ച രാവിലെ 11 മണിയോടെ സൂര്യാതപമേറ്റത്.
ഒറ്റയ്ക്ക് വെയിലത്ത് കളിക്കുകയായിരുന്ന കുട്ടിയുടെ കരച്ചില്‍ കേട്ട് മാതാപിതാക്കള്‍ ഓടി വന്നപ്പോള്‍ കുഞ്ഞിന്റെ ഇടത് കണ്ണിന്റെ മുകള്‍ഭാഗത്തും താഴ്ഭാഗത്തും പൊള്ളലേറ്റ നിലയില്‍ കാണുകയായിരുന്നു.ഉടന്‍ കുട്ടിയെ ഡാണാപ്പടിയിലെ സ്വകാര്യ ആശുപത്രിയില്‍ പ്രവേശിച്ചപ്പോഴാണ് സൂര്യാതപമേറ്റമാണെന്ന് സ്ഥിരീകരിച്ചത്. പ്രാഥമിക ചികിത്സ നല്‍കി കുട്ടിയെ വിട്ടയച്ചു. കുമാരപുരം ഹുദാ ട്രസ്റ്റ് സ്‌കൂള്‍ വിദ്യാര്‍ഥിയാണ്.