കോഴിക്കോട്: സംഘടനാ ശാക്തീകരണത്തിന്റെ ഭാഗമായി സുന്നി യുവജന സംഘം സംഘടിപ്പിക്കുന്ന ജില്ലാ കമ്മിറ്റികളുടെ അദാലത്ത് സെപ്റ്റംബര്‍ എട്ടിന് രണ്ട് മണി മുതല്‍ കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും. എസ്. വൈ.എസ് വൈസ് പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.
നേരത്തേ ശാഖ, പഞ്ചായത്ത്, മണ്ഡലം തലങ്ങളിലെ അദാലത്ത് പ്രത്യേകം തയാറാക്കിയ സോഫ്റ്റ് വെയര്‍ ഉപയോഗിച്ചാണ് നടന്നത്. പരിശീലനം നേടിയ ഐ.ടി വിദഗ്ധരും സംസ്ഥാന പ്രതിനിധികളുമാണ് ഇതിന് നേതൃത്വം നല്‍കിയത്.
വിവിധ ജില്ലകളില്‍ നിന്നായി 2,200 പരം ശാഖകള്‍ക്ക് അദാലത്ത് വഴി ഇതിനകം അംഗീകാരം നല്‍കി. നിര്‍ദേശിക്കപ്പെട്ട പ്രകാരമുള്ള എല്ലാ രേഖകളുമായി ജില്ലാ കമ്മിറ്റികള്‍ അദാലത്തില്‍ പങ്കെടുക്കണമെന്ന് ജനറല്‍ സെക്രട്ടറി അറിയിച്ചു.