തിരുവനന്തപുരം: കൊവിഡ് രോഗം സ്ഥിരീകരിച്ച് ചികിത്സയിലായിരുന്ന 2716 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം ജില്ലയില്‍ 426 പേരും, കൊല്ലത്ത് 114 പേരും, പത്തനംതിട്ട 105, ആലപ്പുഴയില്‍ 438, കോട്ടയത്ത് 117 , ഇടുക്കിയില്‍ 26 പേരുടെയും, എറണാകുളത്ത് 185 പേരുടെയും, തൃശൂരില്‍ 140 പേരുടെയും, പാലക്കാട് 93 പേരുടെയും, മലപ്പുറത്ത് 627 പേരുടെയും, കോഴിക്കോട് 272 പേരുടെയും, വയനാട് 28 പേരുടെയും, കണ്ണൂരില്‍ 73 പേരുടെയും, കാസര്‍കോട് ജില്ലയില്‍ 72 പേരുടെയും പരിശോധനാ ഫലമാണ് ഇന്ന് നെഗറ്റീവായത്. ഇതോടെ 21,268 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 60,448 പേര്‍ ഇതുവരെ കോവിഡില്‍ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 1,97,937 പേരാണ് ഇപ്പോള്‍ നിരീക്ഷണത്തിലുള്ളത്. നിരീക്ഷണത്തിലുള്ളവരില്‍ 1,80,743 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 17,194 പേര്‍ ആശുപത്രികളിലും നിരീക്ഷണത്തിലാണ്. 1750 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.