മ്യൂണിക്ക്: ജര്‍മനിയിലെ മ്യൂണിക്കില്‍ വെടിവയ്പ്പ്. ഒമ്പത്‌ പേര്‍ മരിക്കുകയും 15 പേരിലധികം പേര്‍ക്ക് പരുക്കേല്‍ക്കുകയും ചെയ്തതായി ജര്‍മന്‍ മാധ്യമങ്ങള്‍ റിപ്പോര്‍ട്ട് ചെയ്തു. മ്യൂണിക്കിലെ ഒളിംപിയ ഷോപ്പിങ് സെന്ററിലാണ് വെടിവയ്പ്പുണ്ടായത്.  10 പേര്‍ മരിച്ചതായി സ്ഥിരീകരിക്കാത്ത റിപ്പോര്‍ട്ട്.

മരണസംഖ്യ ഇനിയും ഉയര്‍ന്നേക്കാമെന്ന് പൊലിസ് അറിയിച്ചു. പ്രാദേശിക സമയം 4 മണിക്കാണ് ആക്രമണമുണ്ടായത്. ആക്രമണം ഉണ്ടായ ഉടനെ പൊലിസ് സ്ഥലത്തെത്തി ജനങ്ങളെ ഒഴിപ്പിച്ചിരുന്നു. സ്ഥലത്ത് നിന്നും ജനങ്ങളോട് പൊലിസ് ഷോപ്പിങ് സെന്ററും പരിസരവും വിട്ടുപോവാന്‍ ആവശ്യപ്പെട്ടു. പരിസരവും ഷോപ്പിങ് സെന്ററും കൂടുതല്‍ ആക്രമികള്‍ ഉണ്ടോ എന്നു പൊലിസ് പരിശോധിക്കുകയാണ്.

തോക്കുധാരിയായ ആള്‍ ഷോപ്പിങ് സെന്ററിലേക്ക് എത്തി വെടിവയ്ക്കുകയായിരുന്നുവെന്ന് സ്ഥിരീകരിക്കാത്ത റിപ്പോര്‍ട്ടുണ്ട്. ഷോപ്പിങ് സെന്ററും പരിസരവും പൊലിസ് സീല്‍ ചെയ്തിട്ടുണ്ട്.