ദമാം: കിഴക്കന്‍ പ്രവിശ്യയായ ദമാമില്‍ ഗോഡൗണില്‍ വന്‍ തീപിടിത്തം. ഖാലിദിയയില്‍ സ്റ്റോക്കിങ് ഗോഡൗണുകളിലാണ് തീപ്പിടിത്തമുണ്ടായത്.

ആളപായം റിപ്പോര്‍ട്ട് ചെയ്യപ്പെട്ടിട്ടില്ല. കടയിലെ ഇലക്ട്രിക് ബോര്‍ഡില്‍ നിന്നുമാണ് തീപ്പിടിത്തമുണ്ടായതെന്നു ദൃക്‌സാക്ഷികള്‍ പറയുന്നു.

ഒരു ബ്ലോക്കില്‍ പെടുന്ന അഞ്ചോളം ഗോഡൗണുകള്‍ക്കാണ് തീപിടിച്ചത്.

ആദില്‍ അലി അല്‍ നസ്മി, ദാനത് അല്‍ മാംലക ട്രേഡിങ്ങ്, ഓവര്‍സീസ് ഗ്രൂപ്പ് ട്രേഡിങ്ങ്, പോലുള്ള കമ്പനികളുടെ ഗൗഡൗണുകള്‍ക്കാണ് തീപ്പിടിച്ചത്.

കെമിക്കല്‍, ഫര്‍ണിച്ചര്‍ പോലുള്ള സാധനങ്ങളാണ് ഗോഡൗണുകളില്‍. നിരവധി ഇന്ത്യന്‍ കമ്പനി കാര്‍ഗോയുടെയും മറ്റും ഗോഡൗണുകളും സമീപത്തായിയുണ്ട്.