റിയാദ്: സുലൈ ഏരിയ എസ്‌ഐസിയുടെ ആഭിമുഖ്യത്തിൽ ആത്മീയ സദസ്സും സുപ്രഭാതം ദിനപത്രം പ്രചാരണ കാംപയിനും സംഘടിപ്പിച്ചു. ദുആ സദസ്സിന് ബഷീർ ഫൈസി ചുങ്കത്തറ നേതൃത്വം നൽകി. സുലൈ ഏരിയ തല സുപ്രഭാതം ദിനപത്രം പ്രചാരണ കാംപയിൻ ഉദ്ഘാടനം റിയാദ് സെൻട്രൽ സുപ്രഭാതം പ്രചരണ സമിതി കൺവീനർ റസാഖ് വളക്കൈ സുലൈ ഏരിയ ഓർഗനൈസിങ് സെക്രട്ടറി മുഹമ്മദ് ഷമീജിനു സുപ്രഭാതം വരിക്കാരനായി ചേർത്തു നിർവ്വഹിച്ചു.

    ഏരിയ ആക്ടിങ്ങ് പ്രസിഡണ്ട് സൈനുൽ ആബിദ് മച്ചക്കുളം അദ്ധ്യക്ഷത വഹിച്ചു. ശമീർ പുത്തൂർ, ബഷീർ താമരശ്ശേരി, ജുനൈദ് മാവൂർ, ശിഫ് നാസ്, മുജീബ് പഴമള്ളൂർ, സിറാജ് ആമേരി, മജീദ് കൂടത്താൾ, ഉമ്മർ മീഞ്ചന്ത, അഷ്റഫ് ഇരിങ്ങാട്ടേരി, സലീം പുറായിൽ, ഷമീർ കെ പി, ശജീബ് തൃശൂർ തുടങ്ങിയവർ സംബന്ധിച്ചു. ജനറൽ സെക്രട്ടറി ഫസലുറഹ്മാൻ പതിമംഗലം സ്വാഗതവും ഫാസിൽ കണ്ണൂർ നന്ദിയും പറഞ്ഞു.