തലശ്ശേരി: അന്തരിച്ച മാപ്പിളപ്പാട്ട് കലാകാരന്‍ എരഞ്ഞോളി മൂസയുടെ ഭൗതിക ശരീരം ഖബറടക്കി. ആരാധകരും സുഹൃത്തുക്കളും രാഷ്ട്രീയ സാംസ്‌കാരിക രംഗത്തെ പ്രമുഖരും ഉള്‍പ്പെടെ നിരവധി പേര്‍ അന്ത്യാജ്ഞലി അര്‍പ്പിക്കാനെത്തി. അദ്ദേഹത്തോടുള്ള ആദരസൂചകമായി തലശ്ശേരി ടൗണില്‍ ഉച്ചവരെ ഹര്‍ത്താല്‍ ആചരിച്ചു. ഔദ്യോഗിക ബഹുമതികളോടെ തലശ്ശേരി മട്ടാമ്പ്രം ജുമാ മസ്ജിദ് ഖബര്‍സ്ഥാനില്‍ ഭൗതിക ശരീരം ഖബറടക്കി.