കുന്ദമംഗലം: ബസ് സ്റ്റാന്‍ഡില്‍ കടയ്ക്കു നേരെ യുവാവിന്റെ അക്രമം. ഫ്രണ്ട്‌സ് കൂള്‍ബാര്‍ അടിച്ച് തകര്‍ത്തു.
സംഭവത്തില്‍ പ്രതിഷേധിച്ച് ഇന്നു പകല്‍ 11 വരെ കുന്ദമംഗലത്ത് ഹര്‍ത്താല്‍ ആചരിക്കും. ഇന്നലെ വൈകിട്ട് ഏഴോടെയാണ് സംഭവം. ആറ് മുതല്‍ സ്ഥലത്ത് തമ്പടിച്ച യുവാവ് കൈയില്‍ സൂക്ഷിച്ച കൊടുവാള്‍ ഉപയോഗിച്ച് കട അടിച്ചു തകര്‍ക്കുകയായിരുന്നു.
മൂന്നു ദിവസമായി ഭക്ഷണം കഴിച്ചിട്ടെന്നും തന്റെ കുടുംബം പട്ടിണിയിലാണെന്നും പറഞ്ഞായിരുന്നു യുവാവിന്റെ അക്രമം.
പിന്നീട് നാട്ടുകാര്‍ അറിയിച്ചതിനെ തുടര്‍ന്ന് യുവാവിനെ പൊലിസ് സ്റ്റേഷനിലേക്ക് കൊണ്ടുപോയി. ഇയാള്‍ക്ക് മാനസികാസ്വാസ്ഥ്യമുള്ളതായി സംശയിക്കുന്നു.