ഹരിപ്പാട്: ഗ്യാസ് കണ്ടെയ്‌നര്‍ ലോറികള്‍ കൂട്ടിയിടിച്ച് ഒരാള്‍ മരിച്ചു. പുറക്കാട് കല്ലുകാരന്‍ പുരയിടത്തില്‍ പ്രകാശ് (51) ആണ് മരിച്ചത്. രണ്ടുപേര്‍ക്ക് പരുക്കേറ്റു. ഇതില്‍ ഒരാളുടെ നില ഗുരുതരമാണ്. ദേശീയപാതയില്‍ താമല്ലാക്കല്‍ ജങ്ഷനില്‍ ഇന്നലെ രാവിലെ 5.50നായിരുന്നു അപകടം.
എറണാകുളത്ത് നിന്ന് ഗ്യാസുമായി വരികയായിരുന്ന ലോറികളാണ് കൂട്ടിയിടിച്ചത്. ഗുരുതരമായി പരുക്കേറ്റ പുറക്കാട് ഇല്ലത്തുപറമ്പില്‍ വിജയന്റെ മകന്‍ മുരുകേശന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. ഇയാള്‍ ഹരിപ്പാട് കെ.എസ്.ആര്‍.ടി.സി ഡിപ്പോയിലെ എം പാനല്‍ കണ്ടക്ടറാണ്.