അദിലാബാദ്: ഭക്ഷ്യ വിഷബാധയെ തുടര്‍ന്ന് മൂന്ന് കുട്ടികള്‍ മരിച്ചു. 24 പേരെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. അദിലാബാദ് ജില്ലയില്‍ ഇന്നലെയായിരുന്നു സംഭവം. മരിച്ച കുട്ടികള്‍ ഒരു വയസിനും മൂന്ന് വയസിനും ഇടയില്‍ പ്രായമുള്ളവരാണ്. കൊലംഗുഡയില്‍ വിവാഹത്തോടനുബന്ധിച്ച് നല്‍കിയ ഭക്ഷണം കഴിച്ചാണ് വിഷബാധയേറ്റതെന്നാണ് പ്രാഥമിക റിപ്പോര്‍ട്ട്. ആട്ടിറച്ചി കഴിച്ചവര്‍ക്കാണ് വിഷബാധയേറ്റത്. ഛര്‍ദിയും വയറുവേദനയും അനുഭവപ്പെട്ടതിനെ തുടര്‍ന്ന് ഇവരെയെല്ലാം ആശുപത്രിയില്‍ എത്തിച്ചെങ്കിലും കുട്ടികളുടെ ജീവന്‍ രക്ഷിക്കാനായില്ല. ചികിത്സയിലുള്ളവരുടെ നിലയും ഗുരുതരമാണെന്ന് ഡോക്ടര്‍മാര്‍ അറിയിച്ചു.