തൊടുപുഴ: വിദ്യാര്‍ഥിക്ക് കാറിടിച്ച്  ഗുരുതര പരുക്ക്.  
ഇന്നലെ നെടിയശാല ഇരുട്ടുതോട് കോളനി ജങ്ഷനിലുണ്ടായ അപകടത്തില്‍ ഇരുട്ടുതോട്  അച്ചായിടില്‍ സജിയുടെ മകന്‍ അജയ് കുമാറിനാണ് (12) തലക്ക് സാരമായി  പരുക്കേറ്റത്.
അജയ്കുമാറിനെയുമായി അപകടം വരുത്തിയ കാറില്‍  ആശുപത്രിയിലേക്ക് കൊണ്ടു പോകും വഴി കോലാനി പഞ്ചവടി പാലത്തിന് സമീപം  കാര്‍ എതിരേ വന്ന മിനി ലോറിയുമായി കൂട്ടിയിടക്കുകയായിരുന്നു.
കാര്‍ ഓടിച്ചിരുന്ന ഇടയാര്‍ ചേലക്കല്‍ ബിജി (39), ഇരുട്ടുതോട് പുത്തന്‍പുരക്കല്‍ സജീവന്‍ (42) എന്നിവര്‍ക്കും പരിക്കുണ്ട്.    
ഇവരെ  ചാഴികാട്ട് ആശുപത്രിയില്‍ പ്രവേശിപ്പിച്ചു. തലക്ക് സാരമായി പരുക്കേറ്റ അജയ് കുമാറിനെ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു.
വഴിത്തല സെന്റ് സെബാസ്റ്റ്യന്‍സ് സ്‌കൂളില്‍ പഠിക്കുന്ന അജയ്കുമാര്‍ സ്‌കൂള്‍ വിട്ട് ബസില്‍ വന്നിറങ്ങി വീട്ടിലേക്ക് പോകുംവഴി കാറിടിക്കുകയായിരുന്നെന്ന് നാട്ടുകാര്‍ പറഞ്ഞു.  
അതേ സമയം താന്‍ കാറില്‍ വരുമ്പോള്‍  ഒരു കുട്ടി പരുക്കേറ്റ് വഴിയില്‍ കിടക്കുകയായിരുന്നുവെന്നും തുടര്‍ന്ന് കാര്‍ നിര്‍ത്തി കുട്ടിയെ ആശുപത്രിയിലേക്ക് കൊണ്ടുവരികയായിരുന്നുവെന്നും കാര്‍ ഓടിച്ച   ബിജി പറയുന്നു.