ന്യൂഡല്‍ഹി: രാഹുല്‍ ഗാന്ധിക്കെതിരായ റാഫേലുമായി ബന്ധപ്പെട്ട കോടതിയലക്ഷ്യക്കേസ് കോടതി വിധി പറയാന്‍ മാറ്റി. രാഹുലിന്റെ മാപ്പപേക്ഷയില്‍ ആത്മാര്‍ത്ഥയില്ലെന്ന് ഇന്നലെ കേസ് പരിഗണിക്കവെ ഹരജിക്കാരിയായ മീനാക്ഷി ലേഖിക്ക് വേണ്ടി ഹാജരായ അഭിഭാഷകന്‍ മുകുള്‍ രോഹ്തകി പറഞ്ഞു.
വളരെ വൈകിയാണ് രാഹുല്‍ മാപ്പപേക്ഷിച്ചതെന്ന് രോഹ്തകി വാദിച്ചു.
എന്നാല്‍ ആദ്യ സത്യവാങ്മൂലത്തില്‍ തന്നെ കോടതിയുമായി തന്റെ മുദ്രാവാക്യം ചേര്‍ത്തു പറഞ്ഞതിന് രാഹുല്‍ ഖേദം പ്രകടിപ്പിച്ചിട്ടുണ്ടെന്ന് രാഹുലിന്റെ അഭിഭാഷകന്‍ അഭിഷേക് മനു സിങ്‌വി പറഞ്ഞു. കേസ് റാഫേല്‍ പുനഃപരിശോധനാ ഹരജിക്കൊപ്പം വിധി പറയും.