നെടുമ്പാശ്ശേരി: സംസ്ഥാന ഹജ്ജ് കമ്മിറ്റിയുടെ നേതൃത്വത്തില്‍ നെടുമ്പാശ്ശേരിയില്‍ നിന്നുള്ള ആദ്യ ഹജ്ജ് വിമാനം ജൂലൈ 14 ന് ഉച്ചയ്ക്ക് 2 മണിക്ക് യാത്ര തിരിക്കും. ജൂലൈ 17 വരെ നാല് ദിവസങ്ങളിലായി ഷെഡ്യൂള്‍ ചെയ്തിരിക്കുന്ന എട്ട് വിമാനങ്ങളിലായി 2720 പേരാണ് നെടുമ്പാശ്ശേരിയില്‍ നിന്നും ഈ വര്‍ഷം യാത്രയാകുന്നത്. മദീനയില്‍ എത്തുന്ന തീര്‍ഥാടകര്‍ മദീന സന്ദര്‍ശനം പൂര്‍ത്തിയാക്കിയ ശേഷമായിരിക്കും ഹജ്ജ് കര്‍മം നിര്‍വഹിക്കുന്നതിനായി മക്കയിലേക്ക് പുറപ്പെടുക.
നെടുമ്പാശ്ശേരിയില്‍ നിന്നും പുറപ്പെടുന്ന തീര്‍ഥാടകരില്‍ കേരളത്തിന് പുറമെ ലക്ഷദ്വീപില്‍ നിന്നുള്ളവരും ഉള്‍പ്പെടും. ഓരോ ദിവസവും രണ്ട് വിമാനങ്ങളിലായി 680 പേരെ വീതം പുണ്യഭൂമിയില്‍ എത്തിക്കാനാണ് പദ്ധതി.