ചെറുവത്തൂര്‍: കോട്ടപ്പള്ളി വലിയ്യുല്ലാഹി മഖാം സ്വലാത്ത് വാര്‍ഷികവും മതപ്രഭാഷണവും ഇന്ന് മുതല്‍ 11 വരെ കോട്ടപ്പള്ളി ശംസുല്‍ ഉലമ നഗറില്‍ നക്കും. പരിപാടി വൈകുന്നേരം ഏഴിന്  കോഴിക്കോട് ഖാസി സയ്യിദ് മുഹമ്മദ് കോയ  ജമൈലുല്ലി തങ്ങള്‍ ഉദ്ഘാടനം ചെയ്യും. മുസ്തഫ ഹുദവി ആക്കോട് മുഖ്യ പ്രഭാഷണം നടത്തും.
നാളെ വൈകുന്നേരം ഏഴിന് മഖാം സിയാറത്തിന് സ്വഫ്‌വാന്‍ തങ്ങള്‍ ഏഴിമല നേതൃത്വം നല്‍കും. ജി.എം സ്വലാഹുദ്ദീന്‍ ഫൈസി വല്ലപ്പുഴ പ്രഭാഷണം നടത്തും. ഒന്‍പതിനു സയ്യിദ് ഹുസൈന്‍ തങ്ങള്‍ അല്‍ അസ്ഹരി മഖാം സിയാറത്തിന് നേതൃത്വം നല്‍കും. മുനീര്‍ ഹുദവി പ്രഭാഷണം നടത്തും. 10ന് സൈനുല്‍ ആബിദീന്‍ തങ്ങള്‍ കുന്നുംകൈ നേതൃത്വം നല്‍കും. ജലീല്‍ റഹ്മാനി പ്രഭാഷണം നടത്തും. 11ന് രാവിലെ പത്തിന് ഖത്മുല്‍ ഖുര്‍ആന്‍ ദുആ സംഗമത്തിന് മശ്ഹൂര്‍ ഉമര്‍ കോയ തങ്ങള്‍ നേതൃത്വം നല്‍കും. വൈകുന്നേരം ഏഴിന് നജ്മുദ്ദീന്‍ തങ്ങള്‍ ഹൈദ്രൂസി അല്‍ ബുഖാരിയുടെ നേതൃത്വത്തിലുള്ള മഖാം സിയാറത്തോടെ ആരംഭിക്കുന്ന സമാപന സമ്മേളനത്തില്‍ എം.ടി മുസ്തഫ അശ്‌റഫി മുഖ്യ പ്രഭാഷണം നടത്തും. മജ്‌ലിസുന്നൂറിന്നും ദുആ സമ്മേളനത്തിനും സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ നേതൃത്വം നല്‍കും. ബറാഅത്ത് സംഗമത്തോടെ സ്വലാത്ത് വാര്‍ഷികം സമാപിക്കുമെന്ന് സ്വാഗതസംഘം ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.