ചെന്നൈ: കര്‍ണാടകയില്‍ സര്‍ക്കാര്‍ വിരുദ്ധ നീക്കം നടത്തുന്ന രീതിയില്‍ തമിഴ്‌നാട്ടിലും പ്രതിപക്ഷ നിരയിലും ആശയക്കുഴപ്പമുണ്ടാക്കാനുള്ള നീക്കവുമായി ബി.ജെ.പി.

പ്രതിപക്ഷത്തെ മുഖ്യപാര്‍ട്ടിയായ ഡി.എം.കെയുമായി ചര്‍ച്ച നടത്തിയതിന്റെ തെളിവ് അനുയോജ്യമായ സമയത്ത് വെളിപ്പെടുത്തുമെന്ന് ബി.ജെ.പി സംസ്ഥാന പ്രസിഡന്റ് തമിഴിശൈ സൗന്ദര രാജന്‍. ഇക്കാര്യത്തില്‍ അവര്‍ അനുകൂല നിലപാട് വ്യക്തമാക്കിയിട്ടുണ്ടെന്നുമാണ് ഇന്നലെ ബി.ജെ.പി സംസ്ഥാന പ്രസിഡന്റ് തമിഴിശൈ സൗന്ദര രാജന്‍ പറഞ്ഞത്.

ഇക്കാര്യത്തില്‍ പ്രധാനമന്ത്രി നരേന്ദ്രമോദിയും താനും കള്ളം പറയില്ലെന്നും അവര്‍ പറഞ്ഞു. എന്നാല്‍ ഡി.എം.കെയും കമ്മ്യൂണിസ്റ്റ് പാര്‍ട്ടികളും കള്ളത്തരം പറയുകയാണ്. താന്‍ സത്യസന്ധയായ വ്യക്തിയാണെന്നും തനിക്ക് കള്ളത്തരം പറയേണ്ട ആവശ്യമില്ലെന്നും അവര്‍ അവകാശപ്പെട്ടു.
ഡി.എം.കെ അടക്കമുള്ള ദ്രാവിഡ പാര്‍ട്ടികള്‍ ബി.ജെ.പിയുമായി ചര്‍ച്ച നടത്തിയിട്ടുണ്ടെന്ന അവരുടെ പരാമര്‍ശം കള്ളമാണെന്ന് ഡി.എം.കെ അടക്കമുള്ള പ്രതിപക്ഷ പാര്‍ട്ടികള്‍ പറഞ്ഞിരുന്നു. ഇതിനോടുള്ള പ്രതികരണമായാണ് താന്‍ കള്ളം പറയില്ലെന്നും ഇപ്പോള്‍ താന്‍ പറഞ്ഞതെല്ലാം സത്യമാണെന്നും അവര്‍ അവകാശപ്പെട്ടത്.

ഡി.എം.കെ ഓന്തിനെപോലെ നിറം മാറുന്ന രീതിയിലാണ് പ്രവര്‍ത്തിക്കുന്നത്. അവര്‍ തങ്ങളുമായി ചര്‍ച്ച നടത്തിയതിന്റെ തെളിവ് പുറത്തുവിടുമെന്നും ഇക്കാര്യത്തില്‍ ഒരു തരത്തിലുള്ള കളളത്തരങ്ങളും പറയേണ്ട ആവശ്യമില്ലെന്നും അവര്‍ പറഞ്ഞു.