ന്യൂഡല്‍ഹി: പാക് പട്ടാളത്തിന്റെ ക്രൂരതയില്‍ തിരിച്ചടിച്ച് ഇന്ത്യന്‍ സൈന്യം. കശ്മീരിലെ അതിര്‍ത്തി നിയന്ത്രണ രേഖയിലുള്ള പാകിസ്താന്‍ ബങ്കറുകള്‍ ഇന്ത്യന്‍ സേന തകര്‍ക്കുന്ന വിഡിയോ ദൃശ്യങ്ങള്‍ പുറത്ത്. ആന്റി ടാങ്ക് മിസൈലുകള്‍ ഉപയോഗിച്ച് ബങ്കറുകള്‍ തകര്‍ക്കുന്നതിന്റെ ദൃശ്യങ്ങള്‍ വൈറലായികൊണ്ടിരിക്കയാണ്. പാകിസ്താന്‍ വെടിനിര്‍ത്തല്‍ കരാര്‍ ലംഘിച്ച ശേഷമാണ് പാക് ബങ്കറുകള്‍ക്ക് നേരെയുള്ള ഇന്ത്യന്‍ സേനയുടെ പ്രത്യാക്രമണമെന്നാണ് സൂചന.