കാസര്‍കോട്: കലക്ടറേറ്റില്‍ വനിതാ ജീവനക്കാരും പല ആവശ്യങ്ങള്‍ക്കായി എത്തുന്നവരും 'ശങ്ക ' തീര്‍ക്കാന്‍ ബുദ്ധിമുട്ടുന്നു.
കലക്ടറേറ്റിലെ ഒരു ഫ്‌ളോറില്‍ വനിതകള്‍ക്കും മറ്റൊരു ഫ്‌ളോറില്‍ പുരുഷന്‍മാര്‍ക്കുമാണ് ശുചിമുറികള്‍ ഒരുക്കിയിരിക്കുന്നത്.
കലക്ടറേറ്റിലെ വിവിധ ഓഫിസുകളില്‍ ആവശ്യങ്ങള്‍ക്കായി എത്തുന്ന സ്ത്രീകള്‍ ശുചിമുറി തേടി അലയുന്നത് പതിവു കാഴ്ചയാണ്. പല ടോയ്‌ലറ്റുകളും വൃത്തിഹീനമാണെന്നും ഉപയോഗിക്കുന്നവര്‍ തന്നെ പറയുന്നു. പ്രശ്‌നപരിഹാരത്തിനു എന്നു നടപടി സ്വീകരിക്കുമെന്നാണ് ജനത്തിന്റെ ചോദ്യം.