കാബൂള്‍: ഒരിടവേളയ്ക്കു ശേഷം അഫ്ഗാനിസ്ഥാനില്‍ വീണ്ടും അഭയാര്‍ഥി പ്രശ്‌നം തലപൊക്കുന്നു. 2017 തുടക്കം മുതല്‍ ഇതുവരെയുള്ള കാലയളവില്‍ 88,481 പേര്‍ക്ക് അഫ്ഗാനിസ്ഥാനില്‍ വീടുവിട്ടു പോകേണ്ടി വന്നു. ഐക്യരാഷ്ട്ര സഭയുടെ റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്.

രാജ്യത്തെ 34 പ്രവിശ്യകളില്‍ 29 സ്ഥലത്തു നിന്നും ആളുകള്‍ വീടുകള്‍ വിട്ടുപോവുന്നു. എല്ലാ മേഖലകളിലും സുരക്ഷാ പ്രശ്‌നങ്ങള്‍ കൂടി വരുന്നതും മിക്ക പ്രവിശ്യകളിലും അക്രമങ്ങള്‍ വര്‍ധിച്ചതുമാണ് ഇത്രയധികം പേര്‍ ഇതിനകം വീടുവിടാന്‍ കാരണം.

2016 ല്‍ 6,60,600 സാധാരണക്കാരാണ് വീടുകളും ഗ്രാമങ്ങളും വിട്ടുപോയത്. ഇക്കൊല്ലം 4.5 ലക്ഷം പേര്‍ വീടുവിട്ടു പോകുമെന്നാണ് യു.എന്‍ കണക്കാക്കുന്നത്