കുറ്റിപ്പുറം: ഭാരതപ്പുഴയെ ഇനി കൊല്ലാന്‍ അനുവദിക്കില്ല എന്ന തീരുമാനത്തിന് സര്‍ക്കാര്‍ എല്ലാപിന്തുണയും നല്‍കുമെന്ന് സ്പീക്കര്‍ പി. ശ്രീരാമകൃഷ്ണന്‍ പറഞ്ഞു.
പ്രളയാനന്തര നിള എന്ന വിഷയത്തില്‍ കുറ്റിപ്പുറം നിളയോരം പാര്‍ക്കില്‍ 'വരാന്ത'സംഘടിപ്പിച്ച കൂട്ടായ്മ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ണും മണലും ഊര്‍ജ സ്രോതസുകളും ഇപ്പോള്‍ ആരുടെ കൈകളിലാണെങ്കിലും അവ പൊതു സ്വത്തായി സംരക്ഷിക്കപ്പെടാന്‍ നിയമനിര്‍മാണം നടത്തണമെന്നും സ്പീക്കര്‍ അഭിപ്രായപ്പെട്ടു. നിളാനദിയുടെ സംരക്ഷണത്തിന് പ്രത്യേക പാക്കേജ് തയാറാക്കി സര്‍ക്കാര്‍ മുന്നോട്ട് പോവുകയാണ്. ആബിദ് ഹുസൈന്‍ തങ്ങള്‍ എം.എല്‍.എ അധ്യക്ഷനായി. മന്ത്രി കെ.ടി ജലീല്‍, അഡ്വ. ഹരീഷ് വാസുദേവ്, ആലങ്കോട് ലീലാകൃഷ്ണന്‍, നന്ദന്‍, വി.വി ഭാസി, നജീബ് കുറ്റിപ്പുറം സംസാരിച്ചു.