പാനൂര്‍: മൊകേരി വയലില്‍ വന്‍ അഗ്‌നിബാധ. ഏക്കര്‍ കണക്കിന് വയല്‍ കത്തി നശിച്ചു. ചൊവ്വാഴ്ച ഉച്ചയോടെയാണ് സംഭവം.
കൃഷി കഴിഞ്ഞ സമയമായതിനാല്‍ കാര്യമായ നാശ നഷ്ടമുണ്ടായില്ല. അഞ്ചേക്കറിലധികം സ്ഥലമാണ് കത്തിയമര്‍ന്നത്.തീപിടിത്തം കരപറമ്പിലേക്ക് വ്യാപിക്കാതിരിക്കാന്‍ പാനൂരില്‍ നിന്നെത്തിയ അഗ്‌നിശമന സേനയും നാട്ടുകാരും ഏറെ മുന്‍കരുതല്‍ സ്വീകരിച്ചതിനാല്‍ നാശനഷ്ടം പരമാവധി കുറക്കാന്‍ സാധിച്ചു.മണിക്കൂറുകള്‍ നീണ്ട പരിശ്രമത്തിനൊടുവിലാണ് തീ നിയന്ത്രണ വിധേയമായത്.