പഴയങ്ങാടി: നീറ്റ് പരീക്ഷ എഴുതാനെത്തിയ വിദ്യാര്‍ഥിനികളെ അപമാനിച്ച നടപടിയില്‍ പ്രതിഷേധിച്ച് മാടായി ബ്ലോക്ക് ഡി.വൈ.എഫ്.ഐ യുടെ നേതൃത്വത്തില്‍ കുഞ്ഞിമംഗലം കൊവ്വപ്രത്തെ നീറ്റ് പരീക്ഷാ കേന്ദ്രമായ ടിസ്‌ക്ക് ഇംഗ്ലിഷ് മീഡിയം സ്‌കൂളിലേക്ക് മാര്‍ച്ച് നടത്തി. ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ ഉദ്ഘാടനം ചെയ്തു. ബ്ലോക്ക് പ്രസിഡന്റ് വരുണ്‍ ബാലകൃഷ്ണന്‍ അധ്യക്ഷനായി. എം.വി രാജീവന്‍, കെ.വി സന്തോഷ്, കെ. സജിത്ത്, കെ. വിദ്യ, കെ.പി ദീപ, പി. ജിതിന്‍ സംസാരിച്ചു.
എസ്.ഐ.ഒ ജില്ലാ കമ്മിറ്റിയുടെ നേതൃത്വത്തില്‍ നടത്തിയ മാര്‍ച്ച് ജില്ലാ പ്രസിഡന്റ് ഷബീര്‍ ഇടക്കാട് ഉദ്ഘാടനം ചെയ്തു. ജില്ലാ സെക്രട്ടറി ഷബീര്‍ ഇരിക്കൂര്‍ അധ്യക്ഷനായി. ജവാദ് അമീര്‍, അലി ഫായിസ്, മൂസിം ഇരിക്കൂര്‍, എം. സല്‍മാന്‍, ജമാല്‍ കടന്നപ്പള്ളി സംസാരിച്ചു.