ലണ്ടന്‍: ഓവലില്‍ ഇംഗ്ലണ്ടിനെ പിടിച്ചു കെട്ടാനിറങ്ങിയ അഫഗാന് വമ്പന്‍ തോല്‍വി. ടോസ് നേടിയ ഇംഗ്ലണ്ട് ഫീല്‍ഡിങ് തിരഞ്ഞെടുക്കുകയായിരുന്നു. പാകിസ്താനോടു ജയിച്ചതിന്റെ ആത്മവിശ്വാസവുമായി കളിക്കാനിറങ്ങിയ അഫ്ഗാനിസ്ഥാന് ആ മികവ് ഇംഗ്ലണ്ടിനോടു പുറത്തെടുക്കാന്‍ കഴിഞ്ഞില്ല.
ജോഫ്രാ ആര്‍ച്ചറിന്റെയും ജോ റൂട്ടിന്റെയും പന്തുകള്‍ക്കു മുന്നില്‍ പിടിച്ചു നില്‍ക്കാനാവാതെ അഫ്ഗാന്‍ ബാറ്റ്‌സ്മാന്‍മാര്‍ കൂടാരം കയറിയപ്പോള്‍ 38.5 ഓവറില്‍ 161 റണ്‍സിന് എല്ലാവരും പുറത്തായി. 44 റണ്‍സെടുത്ത മുഹമ്മദ് നബിയാണ് അഫ്ഗാന്‍ നിരയിലെ ടോപ് സ്‌കോറര്‍. ഇംഗ്ലണ്ടിനു വേണ്ടി ആര്‍ച്ചറും ജോ റൂട്ടും മൂന്നു വിക്കറ്റ് വീതം നേടി.
മറുപടി ബാറ്റിങ്ങില്‍ അനായാസമായിരുന്നു ഇംഗ്ലണ്ടിന് കാര്യങ്ങള്‍. ടി20 ശൈലിയില്‍ കളിച്ച ഇംഗ്ലണ്ട് ബാറ്റ്‌സ്മാന്‍മാര്‍ 18ാം ഓവറില്‍ ലക്ഷ്യം മറികടന്നു. 39 റണ്‍സെടുത്ത ഓപ്പണിങ് ബാറ്റ്‌സ്മാന്‍ െൈബര്‍‌സ്റ്റോ പുറത്തായതൊഴിച്ചാല്‍ മറ്റൊരു വെല്ലുവിളിയൊന്നും ഇംഗ്ലണ്ടിനുണ്ടായില്ല. ജേസണ്‍ റോയിയും ജോ റൂട്ടും വിക്കറ്റ് നഷ്ടം കൂടാതെ ഇംഗ്ലണ്ടിനെ വിജയത്തിലെത്തിച്ചു. ഇംഗ്ലണ്ടിനു വേണ്ടി ജേസണ്‍ റോയി പുറത്താകാതെ 89 റണ്‍സെടുത്തു. മുഹമ്മദ് നബിക്കാണ് ബൈര്‍സ്‌റ്റോയുടെ വിക്കറ്റ്. മറ്റൊരു മത്സരത്തില്‍ ആസ്‌ത്രേലിയ അഞ്ച് വിക്കറ്റിന് ശ്രീലങ്കയെ തോല്‍പ്പിച്ചു. ശ്രീലങ്ക 50 ഓവറില്‍ എട്ട് വിക്കറ്റ് നഷ്ടത്തില്‍ 239 റണ്‍സെടുത്തപ്പോള്‍ 44.5 ഓവറില്‍ ഓസീസ് ലക്ഷ്യം കണ്ടു.