ചങ്ങരംകുളം: സാമൂഹ്യസേവന രംഗത്തെ മികച്ച പൊതുപ്രവര്‍ത്തകര്‍ക്കുള്ള ഈ വര്‍ഷത്തെ വ്യാപാരി വ്യവസായി ഏകോപന സമിതി അവാര്‍ഡിനു പി.പി.എം അഷ്‌റഫ് അര്‍ഹനായി. 5000 രൂപയും പ്രശസ്തിപത്രവുമാണ് അവാര്‍ഡ്.
സാമൂഹ്യതിന്മകള്‍ക്കെതിരേയുള്ള പോരാട്ടത്തില്‍ സംസ്ഥാനത്ത് ശ്രദ്ധാകേന്ദ്രമായി മാറിയ ചങ്ങരംകുളം പൗരസമിതിയുടെ ചെയര്‍മാനാണ് പി.പി.എം അഷ്‌റഫ്. ലഹരി നിര്‍മാര്‍ജ്ജന രംഗത്ത് വിവിധ മത രാഷ്ട്രീയ സാംസ്‌കാരിക സംഘടനകളെ ഏകോപിപ്പിച്ചു കൊണ്ട് കാര്യക്ഷമമായ നേട്ടങ്ങള്‍ കൈവരിക്കാന്‍ അദ്ദേഹത്തിന്റെ നേതൃത്വത്തിലുള്ള പ്രസ്ഥാനത്തിനു സാധിച്ചതായി സമിതി വിലയിരുത്തി. മുന്‍ഡെപ്യൂട്ടി കളക്ടറാണ്.