തിരുവനന്തപുരം: സാമ്പത്തിക ക്രമക്കേടില്‍ ആരോപണവിധേയനായ എം.സി കമറുദ്ദീനെ യു.ഡി.എഫ് കാസര്‍കോട് ജില്ലാ ചെയര്‍മാന്‍ സ്ഥാനത്ത് നിന്ന് മാറ്റി. സി.ടി അഹമ്മദലിയാണ് പുതിയ ചെയര്‍മാന്‍.

ജോസ് കെ മാണി പക്ഷം പ്രതിനിധീകരിച്ചിരുന്ന പത്തനംതിട്ട ജില്ലാ ചെയര്‍മാന്‍ സ്ഥാനം കോണ്‍ഗ്രസ് ഏറ്റെടുത്തു. കേരളാ കോണ്‍ഗ്രസ് ജോസഫ് വിഭാഗത്തിന് കോട്ടയത്ത് മാത്രമാണ് ചെയര്‍മാന്‍സ്ഥാനം.മൂന്നുജില്ലകളില്‍ കണ്‍വീനര്‍ സ്ഥാനവും നല്‍കിയിട്ടുണ്ട്.

പാലക്കാട് ജില്ലാ ചെയര്‍മാനെയും ആലപ്പുഴ ജില്ലാ കണ്‍വീനറേയും പിന്നീട് തീരുമാനിക്കും.

ജോസ് കെ മാണി പക്ഷം മുന്നണിവിടുകയും തദ്ദേശ തെരഞ്ഞെടുപ്പ് അടുക്കുകയും ചെയ്ത പശ്ചാത്തലത്തിലാണ് യുഡിഎഫ് ജില്ലാ കമ്മിറ്റികള്‍ പുനഃസംഘടിപ്പിച്ചത്.