ചണ്ഡീഗഡ്: ഏകീകൃത ചരക്ക് സേവന നികുതി(ജി.എസ്.ടി)യില്‍ നിലനില്‍ക്കുന്ന സാങ്കേതിക ബുദ്ധിമുട്ടുകള്‍ പരിഹരിക്കാന്‍ അടിയന്തര നടപടി സ്വീകരിക്കണമെന്ന് പഞ്ചാബ് മുഖ്യമന്ത്രി അമരിന്ദര്‍ സിങ്. ഇക്കാര്യം ചൂണ്ടിക്കാട്ടി അദ്ദേഹം പ്രധാനമന്ത്രി മോദിക്ക് കത്തെഴുതി.
ജി.എസ്.ടിയിലെ സാങ്കേതിക കുരുക്കുകള്‍ ഇല്ലാതാക്കാന്‍ 101 എളുപ്പവഴികള്‍ നിര്‍ദേശിച്ചുകൊണ്ടുള്ളതാണ് കത്ത്. നിലവിലെ വ്യവസ്ഥ ബിസിനസ് രംഗത്തിന് തിരിച്ചടിയാണെന്നും പഞ്ചാബ് മുഖ്യമന്ത്രി ചൂണ്ടിക്കാട്ടുന്നു.