ല@ണ്ടന്‍: നിലവിലെ ചാംപ്യന്‍മാരായ ആസ്‌ത്രേലിയ ലോകകപ്പിലെ തങ്ങളുടെ ആദ്യ മത്സരത്തിന് ഇന്ന് ഇറങ്ങുകയാണ്. അല്‍പം പോലും സമ്മര്‍ദമില്ലാതെ ഇറങ്ങുന്ന ആസ്‌ത്രേലിയക്ക് എതിരാളികള്‍ അഫ്ഗാനിസ്ഥാനാണ്. അത്ര പെട്ടെന്ന് എഴുതിത്തള്ളാനാകില്ലെന്ന മുന്നറിയിപ്പുമായാണ് അഫ്ഗാനിസ്ഥാനും എത്തുന്നത്.

ആസ്‌ത്രേലിയക്കാണ് മേധാവിത്വമെങ്കിലും അഫ്ഗാനിസ്ഥാനെ ചെറുതാക്കി കണ്ട@ാല്‍ തോല്‍വി ഏറ്റുവാങ്ങേ@ണ്ടിവന്നേക്കും. കാരണം ലോകകപ്പിലെ സന്നാഹ മത്സരത്തില്‍ മിന്നും പ്രകടനം നടത്തിയാണ് അഫ്ഗാനിസ്ഥാന്‍ ആദ്യ മത്സരത്തിനിറങ്ങുന്നത്. സന്നാഹ മത്സരത്തില്‍ പാകിസ്താനെ തോല്‍പിച്ചതിന്റെ ആത്മവിശ്വാസം അവര്‍ക്ക് കരുത്ത് പകരുന്നുണ്ട്.
ലോകോത്തര സ്പിന്നര്‍മാരായ റാഷിദ് ഖാനും, മുജീബ് റഹ്മാനും അടങ്ങുന്ന ബൗളിങ് നിരയാണ് അഫ്ഗാന്റെ കരുത്ത്. മുഹമ്മദ് ഷഹ്‌സാദ്, ക്യാപ്റ്റന്‍ ഗുല്‍ബാദിന്‍ നായിബ്, ഹസ്രത്തുള്ള സസായ്, അസ്ഗര്‍ അഫ്ഗാന്‍, ഓള്‍റൗണ്ട@ര്‍ മുഹമ്മദ് നബി തുടങ്ങിയവര്‍ ടീമിന് വിജയം സമ്മാനിക്കാന്‍ കെല്‍പ്പുള്ളവരാണ്. നേരത്തെ ഇരുടീമുകളും ഒരുതവണ ഏറ്റുമുട്ടിയപ്പോള്‍ ഓസീസിനായിരുന്നു ജയം.